. .
...
السبت 21 سبتمبر 2019 راسلنا | القائمة البريدية | سجل الزوار | خريطة الموقع


جديد المقالات
جديد الأخبار
جديد الفيديو


جديد الصوتيات

تغذيات RSS

المتواجدون الآن


Propellerads
المقالات
مكتبة مقالات الحوش السوداني
يا الرتب الشريفة
...
يا الرتب الشريفة
05-20-2019 02:25



كرامتك يا وطن كتلوك ولا جوك جووك
كيزان النفاق حكموك وما بحبّوك
جلدك ما جلدهم الجَرّوا فوقو الشوك
وجيشك ما هو جيشهم نصَّبوه عدوك

الرُتب الوسيطة يا جيشنا ليهم وردة
يا (حامد) النقيب حاشاكَ من الشردة
(ود صديق) ركز قال ( أب قرون) يا فردة
الحُر والشريف في الجيش بِكُش الخُردة

(الفاروق) ( عُمر) الجوية في البوابة
وبسالة جنود فاقت اسُود الغابة
( احمد) جندي صف ورفيقو (سامي) صَحابة
بالدم الشريف كتبوا الشهادة كتابة

العاشق الوطن بحمي العباد وبِوَرِّي
والضابط الكويز منّو الوطن متبرِّي
وقدام القيادة شفنا الرجال زي كرري
رباطة وكتايب فزَّت مُفحّطة تجري

وشايلين الجميل لي لوءانا ( ود حماد)
في الزود والثبات ما بتوصفوا الكلمات
شرَّف عطبرة وقال الشرف ما مات
قال يامدفعية من شعبي تعليمات
-
يا جند الوطن داع الفدا ليك داعي
القَسَم القبيل حافظ عليه وراعي
حرية وسلام وعدالة شعبك واعي
مدنية و خيار بالجملة ما قطَّاعي

الجيش يا ( كرومة) ما جابوا تارك لسة
في الشهر الفضيل غدرك رصاص الخِسَّة
يا الرائد الهميم حاشاك ما بِتندسَّا
شهدائنا المعاك في الجنة زورهم هسَّة


يا جيش الوطن كن لينا (قاف) (شين) (ميم)
للشعب العظيم لي كل( سين) هات ( جيم)
الكوز الخبيث دايماً جدالو عقيم
والكوز للوطن شيطان رجيم وخصيم

القايد الهمام من قولو ما بِتمَلَّص
بي دم الشهيد ما بجوز لزول يتحرقص
برهان يا رئيس سلمنا ليها وأخلَص
كفارة ذنوب لي وطنك أبقى المُخلِص

ضياء الدين مدثر رجب

١٨ مايو ٢٠١٩/برلين

شارك بتعليقك على صحفتنا في تويتر
PropellerAds
...

تعليقات 0 | إهداء 0 | زيارات 156
.
Propellerads

تعليقات 0 | إهداء 0 | زيارات 156


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


ضياء الدين مدثر رجب
ضياء الدين مدثر رجب

تقييم
0.00/10 (0 صوت)